26-27 ЧЭРВЕНЯ на возеры Вулькаўскае адбыўся моладзевы раённы турыстычны злёт “Памяць, якая нас аб'ядноўвае”.
У першы дзень спаборніцтвы былі на байдарках (водны турызм) - у нашай каманды першае месца!
Веласіпедны турызм - зноў першае месца! Інтэлектуальны квіз - таксама першае месца! У «Выдатным стрэлцы» і «Гіганцкіх штанах» мы біліся да апошняга азарт зашкальваў, хоць прызавыя пастаменты і выслізнулі (але эмоцыі засталіся з намі назаўжды)! Творчы конкурс песні прынёс нам ганаровае 3-е месца - спявалі ад душы, нават вогнішча падпяваў! За лепшы бівуак - 3-е месца, а наш паходны кухар удастоіўся 2-га месца за фірмовую страву.
Другі дзень турзлёту пачаўся з турыстычнай паласы перашкод. Дыстанцыя была няпростай: і праходжанне па канаце, і бярвенне, і маятнік, і ўсталяваць палатку — але нашы хлопцы прайшлі яе зладжана і хутка! У выніку - 3 месца ў гэтым этапе.!
А самы прыемны момант любых спаборніцтваў - вядома ж, узнагароджанне!
Сэрцы біліся хутчэй, калі аб'яўлялі агульныя вынікі. І вось ён - фінальны акорд: наша каманда заняла 2 агульнакаманднае месца! Два дні выпрабаванняў, смеху, паходнага побыту і сапраўднага каманднага духу прывялі нас на пастамент. Мы даказалі, што мы - сіла! Асаблівы дзякуй нашай камандзе, кухару, і ўсім, хто хварэў за нас.
Возера Вулькаўскае запомніцца нам не толькі медалямі, але і пачуццём, што мы - адна сям'я.
