ДЗЯРЖАЎНАЕ УНIТАРНАЕ ВЫТВОРЧАЕ
ПРАДПРЫЕМСТВА "ІВАЦЭВІЦКАЯ ЖКГ"

На балансе ГУВП "Івацэвіцкая ЖКГ" ёсць ачышчальныя збудаванні з поўнай біялагічнай ачысткай сцёкавых вод, 26 ачышчальных збудаванняў з палямі фільтрацыі, 84 каналізацыйных помпавых станцый, абслугоўваецца 240,2 км сетак каналізацыі. Працэнт забяспечанасці насельніцтва Івацэвіцкага раёна цэнтралізаваным водаадвядзеннем складае 77,5 працэнта, у т.л. горад і гарадскія пасёлкі - 94,4%, сельскія населеныя пункты - 61,6%, аграгарадкі - 48,1%. Вядзецца мадэрнізацыя сістэмы каналізацыі. Каналізацыйна-помпавыя станцыі пераводзяцца ў аўтаматычны рэжым з перадачай функцый кіравання на дыспетчарскі пункт.
На сённяшні дзень праведзены работы па аўтаматызацыі і дыспетчарызацыі 51 аб'ектаў каналізацыі.
У 2020 годзе на ачышчальных збудаваннях г. Івацэвічы праведзена замена паветранадзімальнага абсталяванне на энергаэфектыўнае.
Рэканструкцыя ачышчальных збудаванняў дазволіла перайсці ад класічнага метаду ачысткі вады да больш сучаснага, мадэрнізаваўшы абсталяванне для забеспячэння тэхналагічнага працэсу і палепшыўшы якасць скіданых сцёкавых вод у водны аб'ект, р. Грыўда. Для забеспячэння нарматываў дапушчальных скідаў забруджвальных рэчываў у водныя аб'екты прынята тэхналагічная схема ачысткі, якая дазваляе больш эфектыўна выдаляць злучэнні азоту і фосфару.
Давычышчэнне сцёкавых вод ажыццяўляецца на картах рэканструяваных біяпрудаў і кантактных рэзервуарах. Вычышчаная сцёкавая вада пасля поўнай біялагічнай ачысткі накіроўваецца ў меліярацыйны канал і далей у раку Грыўда.
Праектная прадукцыйнасць ачышчальных збудаванняў 7500 м3 сцёкаў у суткі.
У ГУВП "Івацэвіцкая ЖКГ" ёсць вытворчая лабараторыя, акрэдытаваная на даследаванні сцёкавых, паверхневых і падземных вод.